Here bygynneth the Book of the tales of Caunterbury.
1 Whan that Aprille, with hise shoures soote,
2 The droghte of March hath perced to the roote
3 And bathed every veyne in swich licour,
4 Of which vertu engendred is the flour;
5 Whan Zephirus eek with his swete breeth
6 Inspired hath in every holt and heeth
7 The tendre croppes, and the yonge sonne
8 Hath in the Ram his halfe cours yronne,
9 And smale foweles maken melodye,
10 That slepen al the nyght with open eye-
11 So priketh hem Nature in hir corages-
12 Thanne longen folk to goon on pilgrimages
13 And palmeres for to seken straunge strondes
14 To ferne halwes, kowthe in sondry londes;
15 And specially, from every shires ende
16 Of Engelond, to Caunturbury they wende,
17 The hooly blisful martir for the seke
18 That hem hath holpen, whan that they were seeke.
Friday, December 29, 2006
St. Thomas Becket
On his feast day in the cold northern winter, let us look to spring and a merry literary jaunt to visit the hooly blisful martir.